"მე პარკს ისე ვეპყრობი, როგორც ერთ-ერთ ყველაზე კარგ მოთამაშეს. როცა დიდი მატჩები გველოდა, მაგ. "არსენალთან", იგი ყოველთვის 100%-ით იყო მზად. მასზე იმედი დამყარება ყოველთვის შეიძლებოდა და ამასთან ერთად გასახდელში იგი ყოველთვის კარგ ბიჭად რჩებოდა. პარკი უბრალოდ გამოდიოდა მოედანზე და საკუთარ საქმეს აკეთებდა."
"აზიაში ის სუპერვარსკვლავი იყო, მაგრამ ამას არასდროს მოუხდენია მასზე გავლენა. პარკი ყოველთვის პროფესიონალი და შესანიშნავი მოთამაშე იყო. ის ყოველთვის გუნდურ მოთამაშედ რჩებოდა და პირველ პლანზე აყენებდა არა პირად, არამედ გუნდურ ინტერესებს. როცა სამუშაოსადმი ისე ხარ განწყობილი, როგორც პარკი, შეგიძლია დარწმუნებული იყო, რომ წარმატება გარდაუვალია."
"მახსენდება ჩვენი მატჩი "მილანის" წინააღმდეგ, როცა პარკმა უბრალოდ გაანეიტრალა ანდრეა პირლო. ბევრ მოთამაშეს არ შეუძლია იმის გაკეთება, რაც პარკს გამოუვიდა. ბევრი ფიქრობს, რომ ის უბრალოდ დასდევდა პირლოს და არავითარ სამუშაოს არ ასრულებდა. მაგრამ პარკი შეტევასაც ახერხებდა და თავადაც გამოიჩინა თავი."
"ძალიან მომწონდა მასთან ერთად თამაში. მისდამი არავითარ სხვა გრძნობას, გარდა ღრმა პატივისცემისა არ განვიცდი. დარწმუნებული ვარ, პარკი იპოვის საქმეს მას შემდეგ, რაც მოთამაშის კარიერას დაასრულებს. თავის სამშობლოში ის ვარსკვლავია, ამიტომაც მშვიდ პენსიას ვერ ეღირსება. ყველაფერს საუკეთესოს გისურვებ ჯი!"