"მანჩესტერ იუნაიტედის" ნახევარმცველი, ტომ ქლევერლი გამოტყდა, რომ მთელ გუნდი მოუთმენლად ელოდება "რეალთან" დაპირისპირებას. "მართლაც ძალიან გვინდა აშშ-ში ამ ტურნირის მოგება. ეს საკუთარი ძალების რწმენას შეგვძენს, ჩვენ ხომ ისეთ კლუბებს ვძლიეთ, როგორებიც "ინტერი" და "რომა" არიან. იმედი მაქვს ასეთივე შედეგს მივაღწევთ "რეალთან" დაპირისპირებაში.
"ძალიან სასიამოვნოა იმის ნახვა, რომ ამერიკაში ფეხბურთი უფრო და უფრო მეტი ადამიანის ყურადღებას იპყრობს. როცა აქ უკანასკნელად ვიყავით, "ბარსელონასთან" შეხვედრამ დაახლოებით 80 ათასი მაყურებელი შეკრიბა. "რეალთან" მატჩი კი 100 ათასზე მეტი მაყურებლის შეკრებას გვპირდება და თითოელ ჩვენგან გვსურს ასეთი დიდი შეხვედრისგან გამოცდილების მიღება."
"მოხარულები ვართ, რომ "ინტერთან" ასეთ მნიშვნელოვან გამარჯვებას მივაღწიეთ. მოწინააღმდეგე ძალიან ორგანიზებული იყო დაცვაში, მაგრამ ვფიქრობ, რომ მეორე ტაიმში ძალიან ბევრი მომენტი შევქმენით მათი კარის ასაღებად. ჩვენ ვარჯიშებზე პენალტებსაც ვამუშავებთ, რამაც თავისი შედეგი "ინტერთან" შეხვედრაში მოიტანა."