ეშლი იანგი გამოტყდა, რომ იგი მოხიბლულია გუნდში ვან გაალის მიერ დანერგილი ტაქტიკით და მასში თავს კომფორტულად გრძნობს.
"ინტერთან" შეხვედრაში სხვადასხვა პოზიციაზე ვთამაშობდი და ეს ჩემთვის არავითარ პრობლემას არ წარმოადგენდა. მე მარჯვენა და მარცხენა ფლანგზე ვთამაშობდი და თავდაჯერებულად ვგრძნობდი თავს. ასე, რომ თუ მწვრთნელი ჩემი სამსახურით დაინტერესდება, მას შეუძლია მუდმივად ჰქონდეს ჩემი იმედი."
ამერიკული ტურნეს პირველ შეხვედრაში, ადგილობრივი გუნდის, "ლა გალაქსის" კარში იანგმა შეხვედრის ბოლოს დუბლი მიითვალა, რის შემდეგაც ვან გაალი მისით კმაყოფილი დარჩა. "ძალიან მესიამოვნა იმის მოსმენა, რომ ლუი ვან გაალი ჩემით კმაყოფილი დარჩა "ლა გალაქსისა" და "რომასთან" შეხვედრაში. მას ჩვენი სჯერა, რაც გაიძულებს მოედანზე გახვიდე და ყველა მითითება ზუსტად შეასრულო."
ტურნეს მესამე შეხვედრა "წითელმა" ეშმაკებმა სერია ა-ს კლუბთან, "ინტერთან" გამართეს და შეხვერა 11 მეტრიანების სერიაში მოპოვებული გამარჯვებით დაასრულეს. "მოხარულები ვართ, რომ გამარჯვების მოპოვება "ინტერთანაც" მოვახერხეთ. როცა წერტილთან მივდიოდი და პენალტს ვასრულებდი საკუთარ ძალებში დარწმუნებული ვიყავი. ვარჯიშებზე ამას დიდხანს ვამუშავებდი. ახლა ამ ტურნირის მოგება გვსურს. ეს სეზონის მომზადებისთვის შესანიშნავი ჯილდო იქნება. ვარჯიშები სრული სვლით მიმდინარეობს, მოთამაშეებს შორის ურთიერთგაგება კი ყოველ დღე უმჯობესდება, რაც თითოეულ შეხვედრაში ნათლად ჩანს."