"მანჩესტერ იუნაიტედის" მთავარი მწვრთნელი, ლუი ვან გაალი გამოტყდა, რომ მას დიდი ხანია სურდა პრემიერ-ლიგაში მუშაობა და სავარაუდო ვარიანტებს შორის "ტოტენჰემსაც" განიხილავდა.
"წითელმა ეშმაკებმა" კონკურენტებს აჯობეს და ლუი ვან გაალის გადმობირება შეძლეს.
"ერთადერთი საფეხბურთო ქვეყანა, რომლის შიგნიდან განჭვრეტაც მსურდა, ინგლისი იყო. ასეთი დამოკიდებულება აქაური თამაშისა და ატმოსფეროს გამო გამიჩნდა. ამიტომ, როცა ჰოლანდიის ნაკრებიდან წასვლის შესახებ განვაცხადე, თითოეულმა ინგლისურმა კლუბმა იცოდა ამის შესახებ და შემოთავაზება არა მარტო "მანჩესტერ იუნაიტედისგან" მქონდა."
"იუნაიტედმა" იცის ჩემი შესაძლებლობები და ვფიქრობ სწორედ ამიტომ მომმართეს მე. მაგრამ ისინი არ იყვნენ ერთადერთნი. "ტოტენჰემმაც" შემომთავაზა, მაგრამ პატარა ბიჭი აღარ ვარ და ვიცი რაც შემიძლია. ყველა მწვრთნელს არ აქვს დიდ კლუბთან მუშაობის საშუალება."
"არ ვამბობ, რომ ჩემი ოცნება ახდა, მე ხომ 62 წლის ვარ და ვიცი რაც შემიძლია" - ციტირებს ვან გაალის სიტყვებს The Telegraph.