ჩილეს ეროვნული ნაკრების და "იუვენტუსის" ნახევარმცველი არტურო ვიდალი "მანჩესტერ იუნაიტედთან" კონტრაქტს დათანხმდა.
"წითელი ეშმაკუნები" უკვე ერთ თვეზე მეტია რაც 27 წლის ფეხბურთელის დამატებას ცდილობენ. არტურო ვიდალს გადაწყვეტილება ექვს აგვისტომდე უნდა მიეღო და ჩილელმა გადაწყვიტა სწორედ ინგლისში გააგრძელოს კარიერა, გვამცნობს El Mercurio.
"იუნიტედს" ვიდალი 50 მილიონი ევრო დაუჯდა, ხოლო თვითონ ფეხბურთელი ხელფასის სახით 11 მილიონს მიიღებს წელიწადში. კონტრაქტი გრძEლვადიანი გამოვიდა, მაგრამ ჯერ ცნობილი არ არის ბოლომდე თუ რამდენ წლიანია. გასულ სეზონში ვიდალმა სერია ა-ში ოცდათორმეტ მატჩში თერთმეტი გოლი და ექვსი საგოლე გადაცემა გააკეთა.