ნემანია ვიდიჩი შეუერთდა იტალიურ კლუბს ზაფხულში და საზოგადოება მოხიბლა მისი საოცარი თამაშით. მან შეძლო კიდეც მატჩის საუკეთესო ფეხბურთელის წოდების მოპოვება "ინტერი" "რეალის" დროს და სერბის ახალმა კლუბმა მოახერხა სამეფო კლუბის დამარცხება.

მაგრამ ახლა ვიდიჩს უწევს მის ყოფილ კლუბთან დაპირისპირება. მაგრამ ქლევერლის განცხადებით არანაირ სენტიმენტალიზმს არ ექნება ადგილი, მიუხედავად იმისა, რომ ეს წინასასეზონო მეგობრული თამაშებია.

"ძალიან უცნაური იქნება ნემანიას წინააღმდეგ თამაში. ის იყო დიდებული ლიდერი კლუბისთვის და კარგი მცველია დიდებული გამოცდილებით, სწორედ ამიტომაც ჩვენ მას უდიდეს პატივს ვცემთ. მაგრამ ჩვენ შეგვიძლია გამოვიძიოთ მისი სუსტი მხარეები და სამშაბათს გავიმარჯვოთ,"-აცხადებს "იუნაიტედის" ნახევარმცველი ტომ ქლევერლი.

ტომ ქლევერლიმ "რომასთან" ჩატარებულ მატჩზეც გააკეთა კომენტარი:

"პირობები ძალიან მძიმე იყო. მზე საერთოდ არ გადადიოდა, რთული იყო სუნთქვა, განსაკუთრებით ნახევარდაცვაში, სადაც თამაში არ ჩერდებოდა. ჩვენ ძალიან იმედგაცრუებულნი ვიყავით, რადგან ვერ მოვახერხეთ პირვანდელი ანგარიშის შენარჩუნება, მაგრამ ჩვენ გვწამს, რომ პროგრესირებას განვაგრძობთ და ფინალამდეც მივალთ. ჩვენი პროგრესის გაგრძელება "ინტერთანაც" მოხდება, მე ამის ძალიან დიდი იმედი მაქვს."

ქლევერლი გუნდს კაპიტნობდა პირველად და აცხადებს, რომ ეს არის გრძნობა, რომელიც მას სტიმულად, გამამხნევებლად და გასაბედნიერებლად ყოველთვის გაჰყვება.

"მე მიკაპიტნია რეზერვებისთვის, მაგრამ პირველი გუნდის კაპიტნობა პირველი იყო ჩემთვის საოცრად განსაკუთრებული მომენტი. დიდებული გრძნობაა, როცა გაქვს უფლება თქვა: "მე ეს გავაკეთე", ეს ბრწყინვალეა და მე რამდენიმე ფოტოც განსაკუთრებულად შევინახე ამ დღიდან. ეს ჩემთვისაც და ჩემი ოჯახისთვისაც საამაყო მომენტი იყო."

ქლევერლიმ ასევე განაცხადა, რომ მისი მთავარი მიზანი სასტარტო შემადგენლობაში თავის დამკვიდრებაა.

"მე ცოტა დავისვენე და ამასთანავე, ბოლო სამი კვირის მანძილზე ბევრი ვიმუშავე რათა ჩავმდგარიყავი სათანადო ფორმაში. მე კარგად და თავდაჯერებულად ვგრძნობ თავს. ეს ძალიან ამაღელვებელი დაწყებაა ჩემთვის და დანარჩენი ბიჭებისთვისაც. მე ვგრძნობ, რომ გუნდში ჩემთვის ადგილი არსებობს და მე ვიბრძოლებ ამ ადგილისთვის."


ManUtd.com