სათამაშო სქემა 3–5–2

როდესაც გუნდს ახალ სქემას აჩვევ, მალევე უნდა მოხდეს ეს ყველაფერი. ჩვენ ბევრი დრო არ გვაქვს, ამიტომ გუნდი მხოლოდ ამაზეა დაკავებული. სამი კვირა დარჩა ახალი სეზონის დაწყებამდე, ამიტომ ამ დროის მანძილზე ახალ სქემას იდეალურად უნდა მოვერგოთ.

გუნდს ასევე კარგად შეუძლია 4–4–2 ან 4–3–3 თაქტიკით თამაში. ესეც ძალიან მნიშვნელოვანია. თუ თქვენ მექსიკასთან თამაშს უყურებდით, ბრაზილიაში, დაინახავდით, რომ თამაშის მსვლელობისას ტაქტიკა შევცვალეთ და ასე მოვიგეთ ის მატჩი. ამას ისევ გავაკეთებთ, თუ თამაში ჩვენს სასარგებლოდ არ წავა.

ლუკ შოუ

ლუკ შოუსთან ყველაფერი მწყობრშია. მე ყველა ფეხბურთელს ვადევნებ თვალს. რეალობა ისაა, რომ ამ დროისთვის ლუკი თავის საუკეთესო ფორმაში ჯერ არ შესულა. მე მას ველაპარაკე და ყველაფერი ერთად მოვიფიქრეთ. მისთვის ინდივიდუალური პროგრამა შევქმენით, რომლითაც ის ივარჯიშებს. ტონი სტრადვიკისგან (ფიზიკური მომზადების მწვრთნელი "იუნაიტედში") უკვე მივიღე დადებითი შეფასებები ლუკის ფორმაზე.

ჩიჩარიტო

ის კლუბს მოგვიანებით შეუერთდა, რადგან ჰოლანდიის ნაკრებმა მექსიკის ნაკრები დაამარცხა (იცინის). ახლა ის ბევრს ვარჯიშობს და მე მისი მჯერა. მაგრამ მას მოუწევს სერიოზული კონკურენცია გაუწიოს, რუნის, ველბეკს, ვან პერსის, უილ კინს. ეს არც ისე ადვილი საქმეა.

კაპიტნის სამკლაური

კაპიტნად ის ადამიანი ითვლება, რომლიც მინდორზე 90 წუთს გაატარებს. მთლიანი მატჩი ჩაატარა დარენ ფლეტჩერმა, შემდეგ ტომ ქლევერლიმ. "ინტერთან" მთლიან მატჩს ჩაატარებს კრის სმოლინგიც. გამოვა თუ არა ის კაპიტნის სამკლაურით? შეიძლება! ყველაფერი შესაძლებელია. შეიძლება ის ერთადერთი არ იყოს ვინც მთლიანი მატჩი ითამაშის "ინტერთან" და ეს სამკლაური სხვამ მოირგოს. დაზუსტებით ვერაფერს ვერ გეტყვით.

ჟოზე მოურინიო

არ ვფიქრობ, რომ მომავალ სეზონში ჟოზესთან კონფლიქტი მექნება. ჩვენ კარგი მეგობრები ვართ. მე საერთოდ არ ვფიქრობ იმაზე, რომ რომელიმე პრემიერ–ლიგის მწვრთნელთან რამე კონფლიქტი მქონდეს, რადგან მე მათ, ყველას ვაფასებ და პატივს ვცემ.

წყარო:http://redevils.ru