"ჩვენ ყოველ დღე ვვარჯიშობთ და უფრო და უფრო შევდივართ კარგ ფორმაში. ძალიან მოგვწონს ახალი სქემით თამაში, რადგან ჩვენს თვალწინ არის დიდი მაგალითი ჰოლანდიის ეროვნული ნაკრების სახით, რომელმაც სწორედ ამ ტაქტიკით ითამაშა ბრაზილიაში გამართულ მსოფლიო ჩემპიონატზე. ეს მაგალითია იმისა, რომ, თუ ბევრს ვიმუშავებთ და საქმეს სწორედ მივუდგებით ყველაფერი კარგისკენ წავა."
"ახალი ტაქტიკის მიხედვით მცველებს დიდი დატვირთვა აქვთ. ჩვენს მხრებზე მხოლოდ დაცვითი ფუნქიები კი არა ასევე შეტევის წამოწყებაც არის. ეს გამოწვევა ძალიან მოგვწონს და გვსურს ყოველ ვარჯიშზე ახალი რამ შევიტყოთ და ვისწავლოთ. ძალიან მნიშვნელოვანია მოთამაშეების კომუნიკაციაც. დარწმუნებული ვარ, რომ დავალებას აუცილებლად შევასრულებთ."