"მანჩესტერ იუნაიტედის" ლეგენდა, რაიან გიგზი კლუბის ახალგარზრდებს უცხადებს, რომ მათ არასდროს ექნებათ კლუბსი დამკვიდრების უკეთესი შანსი, ვიდრე ახლა, ლუი ვან გაალთან ერთად აქვთ.

ჰოლანდიელმა ამერიკის ტურნეზე 7 ახალგაზრდა ფეხბურთელი წაიყვანა: ბენ ამოსი, სემ ჯონსტონი, რიის ჯეიმსი, ტაილერ ბლეკეტი, ჯესი ლინგარდი, მაიკლ და უილ კინი.

ვან გაალი განიხილავდა აკადემიის იმ წევრთა ვინაობას, ვინც პირველ კლუბში თავის გამოჩენის მოახერხებდა. 62 წლის სპეციალისტმა განაცხადა, რომ მას ჯერ არ აქვს გადაწყვეტილება მიღებული.

მაგრამ გიგზი ახალგაზრდებს უცხადებს, რომ ვან გაალის წყალობით მათ თავის გამოჩენისთვის ოქროს შანსი მიეცათ.

და ის ხსნის მიზეზს, თუ რატომ ფიქრობს ასე.

"ახალგაზრდა მოთამაშეების თამაში ლუის ფილოსოფიაა. ჩავის, ინიესტას, მიულერისა, კლუივერტისთვის და ზეედორფისთვის შანსის მიცემა - ეს მისი ხელწერაა. ის ახალგაზრდებს ავითარებს და მათ შანსს აძლევს."

"ვფიქრობ ის მოხიბლულია ახალგაზრდა ფეხბურთელების დონით. ეს მათი შანსია. მე ყოველთვის ვამბობდი, თუ "მანჩესტერ იუნაიტედში" თამაშის შანსი გაქვთ, უნდა გამოიყენოთ."

"აი რა გავაკეთე მე. აი რა გააკეთა ბევრმა სხვამ."

გიგზს სჯერა, რომ ეს არის მხოლოდ გუნდში მოხვედრის შანსი.

ქლევერლი, სმოლინგი, ჯონსი, ზაჰა, შოუ, უელბეკი, რაფაელი - თითოეული მათგანი 24 წლის ან ნაკლების - ასევე წაყვანილნი არიან ამერიკის ტურნეზე.

მთავარი მწვრთნელის ასისტენტს სჯერა, რომ მათაც აქვთ ნაბიჯის წინ გადადგმის საშუალება.

"რიოსა და ვიდას წასვლის შემდეგ ეს დიდებული შანსია სმოლინგის, ჯონსისა და ევანსისთვისაც."

"ეს მათთვის ახალ საფეხურზე ასვლის შესაძლებლობაა. ყველამ ვიცით, რომ ისინი კარგი ფეხბურთელები არიან და ეს თამაშითაც უნდა დაამტკიცონ გამოცდილი ფეხბურთელებისა და სამწვრთნელო შტაბის დახმარებით."

manchestereveningnews