იტალიური "ინტერი" მზად არის კოლუმბიელი ნახევარმცველი "მანჩესტერ იუნაიტედის" თავდამსხმელ ხავიერ ერნანდესში გაცვალოს.
იანვარში ფრედი გუარინს ერთი ნაბიჯიღა აკლდა "იუნაიტედში" გადასვლამდე, მაგრამ შემდეგ მან "ინტერთან" კონტრაქტი გაახანგრძლივა. საბოლოოდ კი კიდევ არ არის ცნობილი დარჩება თუ არა ნახევარმცველი იტალიაში.
თუ Sportmediaset და Tuttosport-ს დავუჯერებთ, მილანურ კლუბს სურს გუარინი სწორედ "მანჩესტერ იუნაიტედში" გაუშვას, რადგან ვარაუდობენ, რომ "წითელი ეშმაკუნები" უფრო მეტს გადაიხდიან მასში, ვიდრე "იუვენტუსი".
იტალიელები ამ შეთავაზების გახმაურებას სამშაბათს აპირებენ, "იუნაიტედთან" მატჩის შემდგომ, რომელიც ვაშინგტონში იმართება.
"წითლებს" 15 მილიონი სურთ ჩიჩარიტოს სანაცვლოდ, ამიტომ დიდი ალბათობით ფეხბურთელებს ეგრევე გაცვლიან და არანაირი თანხის დამატება არ მოუწევს არც ერთ კლუბს.
გუარინი შესაძლოა "იუნაიტედისთვის" არტურო ვიდალის ალტერნატივად იქცეს, რომელის გამოშვებაც "იუვენტუსს" არ სურს.