ლუი ვან გაალმა "რომასთან" მატჩის შემდგომ პრესკონფერენციაზე განაცხადა, რომ მომდევნო მატჩში შანსს უილფრიდ ზაჰაც მიიღებს. 26 კაციანი განაცხადიდან ზაჰა ერთადერთი ფეხბურთელია, რომელსაც ტურნეზე ჯერ არ უთამაშია. ჰოლანდიელს ჰკითხეს, იყო თუ არა ამის მიზეზი უილფრიდის ფორმაში არ ყოფნა.
"გუნდში არ მოიძებნება ფეხბურთელი, რომელიც უკვე ფორმაშია. ეს ჩვეულებრივი მოვლენაა. მოთამაშეები, რომლებიც ტურნეს დაწყებამდე ვარჯიშობდნენ, შეიძლება უფრო მეტად არიან მზად მატჩებისთვის. ბიჭებს ჯერ მხოლოდ 4-ჯერ ჰქონდათ ვარჯიში და ვერ ვიტყვით, რომ ისინი ფორმაში არიან.
გუნდში ბევრი ფეხბურთელი მყავს, რომლებსაც თავდასხმაში შეუძლიათ თამაში. უკვე ვთქვი, რომ ჩემი არჩევანი ბალანსირებული არ იქნება. ხანდახან, შეიძლება ექვსი შემტევით ვითამაშოთ.
ალბათ, შემდეგ ჯერზე ზაჰას ვათამაშებ, რადგან ის ვარჯიშებზე ბევრს შრომობს. ის ჩემს ყველა მოთხოვნას ასრულებს და მასთან არანაირი პრობლემა არ მაქვს."
უეინ რუნიმ ტურნეზე ჯამში სულ 90 წუთი ჩაატარა და 4 გოლი გაიტანა. მაგრამ ვან გაალი თვლის, რომ ცალკეული ფეხბურთელის განსჯა ნაადრევია.
ლუის ჰკითხეს, შეეგუა თუ არა უეინი მის ახალ სისტემას: "ასეა, მაგრამ არამგონია ახლა ერთ რომელიმე მოთამაშეს უნდა განვიხილავდეთ. უნდა განვსაჯოთ მთლიანად გუნდი" - დაასრულა ვან გაალმა.

წყარო: manutd.com