ლუი ვან გაალი არც თუ ისე კმაყოფილი დარჩა თავისი გუნდის თამაშით, რომელმაც "რომას" 3-2 ძლია, დენვერში.

"იუნაიტედმა" პირველი სამი ქულა მოიპოვა წინასასეზონო ტურნეს International Champions Cup-ზე უეინ რუნის დუბლით და მატას გოლით. პირველი 45 წუთის შემდეგ ლუიმ ათი ცვლილება გააკეთა, რის შემდეგაც გუნდმა თამაში ისე ვეღარ დააწყო, როგორც პირველ ტაიმში, ხოლო "რომამ" პირიქით მოუმატა და ორი გოლიც გაქვითა. გოლები პიანიჩმა და ტოტიმ გაიტანეს.

"იუნაიტედმა" შეძლო და ამ მატჩში გამარჯვება მოიპოვა, მაგრამ ვან გაალი უკმაყოფილო დარჩა:"მიხარია, რომ მოვიგეთ, მაგრამ ეს კარგი არ იყო. ჩვენს სანახავად 54 ათასი მაყურებელი მოვიდა და უკეთესად უნდა გვეთამაშა. ასეთ სიცხეში თამაშს მიჩვეულები არ ვართ. სტადიონი ზღვის დონიდან საკმაოდ მაღლა მდებარეობს, ამიტომ თამაში გაგვიჭირდა."

"მე ადრეც ვთქვი და ახლაც ვიტყვი, როდესაც აქ მსოფლიო ჩემპიონატზე ვიყავი 94 წელს, შუადღით თამაში შეუძლებელი გახლდათ. ამერიკაში ფეხბურთისთვის კარგი კლიმატია, მაგრამ ზუსტი დროის შერჩევაა საჭირო."

ასევე ვან გაალმა უეინ რუნის შესანიშნავი თამაში შეაქო, ისაუბრა პიანიჩის გოლზე და იმაზე, რომ არბიტრმა პენალტი უსამართლოდ დანიშნა.

"ჩვენი გადაცემები ადრესატამდე არ მიდიოდა, ამიტომ ბევრი მომენტი ვერ შევქმენით, მაგრამ მაინც მოვახერხეთ სამი გოლის გატანა. რუნის პასი მატაზე იდეალური იყო და მატამაც არ დააყოვნა, შესანიშნავად გაიხსნა და დაარტყა. არ შემიძლია არ აღვნიშნო პიანიჩის გოლიც, რომელიც ასევე კარგი იყო. ამ გოლის მეშვეობით რომაელებმა ერთი ბურთი გაქვითეს. ხოლო რაც შეეხება პენალს, ნამდვილად არ იყო დასანიშნი."

წყარო:http://www.manutd.ru