მე ყოველთვის მიყვარდა ფეხბურთი, ხოლო ახლა ეს ჩემი სამუშაოა. 10 ან 11 წლის ასაკში "სარაგოსაში" დავიწყე თამაში. ეს იყო ჩემთვის პირველი პროფესიონალური კლუბი, რომელიც ჩემს გულში სამუდამოდ დარჩება. ამ კლუბს ყოველთვის გადავუხდი მადლობას, რადგან მათ პროფესიონალ ფეხბურთელად მაქციეს. 21 წლის ასაკში "ბილბაოში" გადავედი, სადაც რამდენიმე წელი გავატარე. ეს კლუბიც დიდ ადგილს იკავებს ჩემს გულში, რადგან მეც და ჩემი ოჯახიც წარმოშობით ბილბაოდან ვართ. ახლა "მანჩესტერ იუნაიტედის" ღირსებას ვიცავ და ეს ჩემი დიდი ოცნება იყო. სეზონის დასაწყის სულმოუთმენლად ველი და მსურს, რომ კლუბისთვის წამყავნი ფეხბურთელი გავხდე.
რომელ კლუბებს გულშემატკივრობდით ბავშობაში?
"სარაგოსას", რადგან ამ კლუბზე ვიყავი მიჯაჭვული. რა თქმა უნდა, თვალს ვადევნებდი "იუნაიტედს", "ბარსელონას" და "რეალს" - მსოფლიოს სამ უდიდეს კლუბს, მაგრამ მხოლოდ "სარაგოსას" ვგულშემატკივრობდი, სხვანაირად ვერ იქნებოდა.
როდის დაიწყეთ ინგლისური ენის შესწავლა?
სკოლაში, მაგრამ შეცდომებით ვლაპარაკობ. ძალიან მომწონს ეს ენა და ამიტომ გპირდებით, რომ მალე ვისწავლი.