დარენ ფლეტჩერი ტურნეს მომდევნო მატჩში "რომას" წინააღმდეგ დამაჯერებელ გამარჯვებას ელოდება. "წითლებმა" 7 ბურთიანი სხვაობით უკვე მოუგეს "ლა გალაქსის", მომდევნო მატჩი კი 26 ივლისს სერია ა-ს ვიცე ჩემპიონთან უწევთ. "იუნაიტედს" მატჩები ელის "ინტერთან" და მადრიდის "რეალთანაც". დარენი თვლის, რომ წლევანდელი ტურნე განსაკუთრებულია. "წლევანდელი ტურნე ფანტასტიკურია, რადგან ამჯერად ბევრი ძლიერი ოპონენტი გვყავს. "რომა" სერია ა-ში მეორე კლუბია, ჩვენ ვიცით, რომ მათთან რთული თამაში გველოდება. "ლა გალაქსისთან" შესანიშნავი შედეგი დავაფიქსირეთ, ახლა კი დროა იგივე "რომასთანაც" გავიმეოროთ." ვან გაალმა ფლეტჩერი "ლა გალაქსისთან" მატჩში ანდრეს ერერასთან ერთად ნახევარდაცვის ცენტრში გაამწესა. შოტლანდიელი მოხიბლულია ახალგაზრდა დებიუტანტით და მას დიდ მომავალს უწინასწარმეტყველებს. "ვფიქრობ, ის შესანიშნავი იყო. ანდერი სავსე იყო ენერგიით, მან ბოლომდე მოინდომა. პირველ ტაიმში, ის მოედნის სიღრმეში თამაშობდა, მეორე ნახევარში კი პოზიცია შეიცვალა, შეტევაში ჩაერთო და საგოლე მომენტებში მონაწილეობაც მიიღო. ვფიქრობ, ის "იუნაიტედში" ფანტასტიკური მოთამაშე გახდება. ვიმედოვნებ, რომ მისგან ბევრ ასეთ თამაშს ვიხილავთ" - დაასრულა ფლეტჩერმა.
წყარო: manutd.com
ინტერვიუები
7 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.