"მანჩესტერ იუნაიტედის" მთავარმა მწვრთნელმა, ლუი ვან გაალმა განაცხადა, რიმ ხავიერ ერნანდესის მომავლის თაობაზე გადაწყვეტილება ჯერ არ მიუღია.
26 წლის მექსიკელი გასულ სეზონში მხოლოდ 6-ჯერ გამოჩნდა ძირითად შემადგენლობაში. იგი კონკურენციას ვერ უწევდა რუნის, პერსისა და უელბეკს.
ბოლო თვეების განმავლობაში ჩიჩარიტოს "ტოტენჰემს", "ინტერსა" და "საუთჰემპტონს" უკავშირებდნენ. ლუი ვან გაალმა, რომელმაც პირობა დადო, რომ "იუნაიტედის" თითოეულ ფეხბურთელს მისცემდა შანსს, ხავიერის მომავლის შესახებ ვერავითარი კონკრეტული განცხადება ვერ გააკეთა.
"შევხედავთ. უნდა დავაკვირდე თუ როგორ გამოიჩენს თავს იმ კუთხით, როგორც მე მინდა. ახლა მხოლოდ იმას ვხედავ თუ როგორ გამოიყურებოდა სხვა მწვრთნელის ხელმძღვანელობის ქვეშ."
"ის ჩამოვიდა, შევხვდებით და ვივარჯიშებთ. ამის შემდეგ მის თამაშს შეხვედრაში დავაკვირდები და პასუხსაც გაგცემთ." - ციტირებს ვან გაალს Manchester Evening News.