"ლა გალაქსისთან" გამართულ მატჩში "იუნაიტედის" ახალი შენაძენის, ანდერ ერერას დებიუტი შედგა. ესპანელმა გატანილი 7 გოლიდან 5-ში მონაწილეობა მიიღო. ის ამბობს, რომ დღევანდელი დღე არასდროს დაავიწყდება.
ერერა ერთ-ერთი იყო სამი ცენტრალური ნახევარმცველიდან. ხუან მატასთან და დარენ ფლეტჩერთან ერთად მან 90 წუთი ითამაშა.
"ამ მაისურით თამაში ჩემი ოცნება იყო. ვიმედოვნებ, რომ ეს მხოლოდ დასაწყისია და წინ კიდევ ბევრი მატჩის ჩატარება მომიწევს "იუნაიტედში". ვფიქრობ, დღეს მთელმა გუნდმა ისიამოვნა თამაშით, მათ ყველაფერი კარგად გააკეთეს. ეს პირველი მატჩია, პირველი ნაბიჯი და მოხარული ვარ, რომ ასეთი შედეგით დასრულდა.
მწვრთნელმა გვითხრა, რომ ჩვენი თამაშით კმაყოფილია, მაგრამ უნდა, რომ წინსვლა გავაგრძელოთ და ამაზე არ შევჩერდეთ. 7:0 კარგი ანგარიშია, მაგრამ ეს მხოლოდ ამხანაგური მატჩია. დღევანდელი დღე მნიშვნელოვანია განწყობის შესაქმნელად."
ანდერს ჰკითხეს, ყველაზე მეტად მისი პირველი მატჩიდან რამ გააოცა.
"ამ კლუბის მასშტაბები ძალიან დიდია. ისინი 80 ათასზე მეტნი იყვნენ ჩვენს მხარდასაჭერად - ეს დაუჯერებელი იყო. ჩვენ მათ დიდ მადლობას ვუხდით" - დაასრულა ერერამ.

წყარო: manutd.com