27 წლის ურუგვაელი ედისონ კავანი გასულ ზაფხულს შეუერთდა "პსჟს" იტალიური "ნაპოლიდან" და ამ ზაფხულში იყო მითქმა-მოთქმა, რომ მას აღარ სურდა პარიზულ კლუბში თამაში და მისი ოცნება პრემიერ ლიგაში თამაში იყო. კავანი ორი პრემიერ ლიგური გრანდის სამიზნე გახლდათ, "იუნაიტედის" და "ჩელსის", სწორედ ამიტომ "პსჟც" მზად იყო შელეოდა ურუგვაელს 55 მილიონ ფუნტ სტერლინგად. თუმცა, კავანის კიდევ 4 წელი აკავშირებს ფრანგულ კლუბთან და ყველაფერს ამას დამატებული, მისივე განცხადებით ის აპირებს დარჩეს ლიგა 1-ში და განაგრძოს თამაში დედაქალაქურ კლუბში.
"თავს კარგად ვგრძნობ პარიზში და ვაპირებ დარჩენას. თუმცა ყველაფერი განპირობებულია იმაზე, თუ ეს სატრანსფერო ფანჯარა როგორ გაგრძელდება შემდგომში. რეალურად, არავინ არაფერი არ იცის" - განაცხადა მან.
"იდეა იყო ჩემი, რომ დავრჩენილიყავი პარიზში და კლუბის მესვეურებიც ასე ფიქრობენ" - დაასრულა ურუგვაელმა.
კავანიმ წარმატებული სეზონი ჩაატარა ფრანგულ კლუბში, მისი დახმარებით "პსჟმ" მოიგო "ლიგა 1" და ასევე საფრანგეთის თასი, საერთო ჯამში კი მან 25 გოლი გაიტანა ყველა ჩემპიონატში, პლიუს ამას მან ითამაშა მსოფლიო ჩემპიონატზე, თუმცა ურუგვაი 8-ედ ფინალიდან გამოეთიშა ასპარეზობას.