ზაჰა შეძენილ იქნა 15 მილიონად "კრისტალ პალასიდან" სერ ალექს ფერგიუსონის მიერ. ეს ლეგენდარული შოტლანიელის ბოლო შენაძენი გახლვავთ, თუმცა მან ზაჰა დევიდ მოიესის გეგმებში ადგილი ვერ დაიმკვიდრა და სეზონის მეორე ნახევარდი "კარდიფში" გაატარა არენდის სახით.

21 წლის ვინგერმა საკმაო გამოცდილება დააგროვა, ვინაიდან მან 13 შეხვედრაში მიიღო მონაწილეობა "მერცხელების" რიგებში და ახლა მზადაა შინ დაბრუნებულმა საკუთარი შესაძლებლობები წარმოაჩინოს.

"შესანიშნავია უკან დაბრუნება." აცხადებს ზაჰა. "აქ ფანტასტიური ატმოსფეროა. ყველა თავდაუზოგავად ვარჯიშობს და ელოდება ახალ სეზონს."

""კარდიფში" გადაბარგება კარგი გამოცდილება იყო ჩემთვის. მიუხედავად იმისა, რომ პრემიერ ლიგაში ცოტა მატჩი მაქვს ჩატარებული, ვგრძნობ რომ შინ უკეთეს ფეხბურთელად დავბრუნდი."

"გავაანალიზე ისიც, რომ ჩემი თამაშის ხარისხში კორექტირება არის შესატანი და ახლა იმაზე ვარ კონცენტრირებული, რომ ეს ადგილი ჩემი პროგრესისთვის საუკეთესოდ მიმაჩნია. მე ნამდვილად მსურს რომ საკუთარი თავი უკეთეს ფეხბურთელად ჩამოვაყალიბო."

სწორედ ზაჰა იყო ერთ-ერთი ვარსკვლავი, რომელიც გასულ წელს აზიურ ტურნეზე ბრწყინავდა. მიუხედავად ამისა, მან მაინც ვერ შეძლო გუნდში ადგილის დამკვიდრება. ზაჰას მონაგარი 2 ჯერ სასტარტო შემადგენლობა და ორი შეცვლაზე შემოსვლა გახლავთ. იანვარში კი, როგორც უკვე ვახსენეთ, "კარდიფში" გადავიდა არენდის მეშვეობით.

უილფრედი იმ ფეხბურთელთა დიდ წრეს მიეკუთვნება, რომელსაც სურს შთაბეჭდილება მოახდინოს ლუი ვან გაალზე. ამ უკანასკნელმა კი განაცხადა, რომ დასჭირდება რამდნიმე კვირა, რომ დაადგინოს ვინ იმსახურებს კლუბში დარჩენას.

ზაჰას სურს რომ შთაბეჭდილება მოახდინოს ვან გაალზე და დარწმუნებული იყოს, რომ იგი ჰოლანდიელის ერთ-ერთი ბერკეტი გახდება სამომავლოდ. "ჩემვის ახლა ყველაფერი სუფთა ფურცლიდან იწყება." - აგრძელებს ზაჰა. "მე მთელი ძალით ვეცდები შთაბეჭდილება მოვახდინო ახალ მწვთვნელზე და გავხდე მისი გუნდის ნაწილი."

"ისღა დამრჩენია, რომ ყველაფერი გავაკეთო. გუნდს ახალი მენეჯერი ჰყავს, და მინდა დავრწმუნდე, რომ ის დაინახავს იმას, თუ რისი გაკეთება შემიძლია მე. "იუნაიტედი" დიდი კლუბია და შესაბამისად კონკურენციაც საჭიროა."

"ეჭვგარეშეა, რომ ჩვენ შეგვამოწმებენ მოსამზადებელ ტურნეზე და ეს კარგიც არის. მისი მეშვეობით ახალი სეზონისთვის შესაბამისად მოვემზადებით. მე მოუთმენლად ველოდები სამუშაოს დაკისრებას და ერთი სული მაქვს დავუპირისპირდე მომავალ მოწინააღმდეგეებს." დაასრულა ზაჰამ.

წყარო: SkySPORTS