Daily Mirror ესპანურ პრესაზე დაყრდნობით აცხადებს, რომ დორტმუნდის "ბორუსიას" ცენტრალურმა მცველმა, მატს ჰუმელსმა "ბარსელონას" უარი უთხრა გადასვლაზე, რათა "მანჩესტერ იუნაიტედში" გადავიდეს.
წყაროს ცნობით, გერმანიის ნაკრების რიგებში მსოფლიო ჩემპიონმა, "ბარსელონას" ნათლად განუცხადა, რომ ლუი ვან გაალის კლუბთან შეერთება სურს.
მიმდიანრე ზაფხულს "მანჩესტერ იუნაიტედმა" სამი მცველი, რიო ფერდინანდი, ნემანია ვიდიჩი და პატრის ევრა დაკარგა, რის გამოც, დაცვის ხაზი სერიოზულ გაძლიერებას საჭიროებს.
Daily Mirror - ის მტკიცებით, "ბორუსია" და "იუნაიტედი" მართლაც აწარმოებენ მოლაპარაკებებს, მაგრამ იურგენ კლოპს იმედი აქვს, რომ არც ჰუმელსი და არც როისი კლუბს არ დატოვებენ.
"ამ სეზონში ორივე დარჩება. არავითარი ნიშანი იმისა, რომ მათ სადმე თამასი სურთ, არ არსებობს. ამბობენ რომ ისინი (იუნაიტედი) 20 მლნ. ევროს გვთავაზობენ? როცა გაზეთებში ასეთებს წერენ ხომ იცით სისულელეა" - განაცხადა კლოპმა.