"მანჩესტერ იუნაიტედის" აღმასრულებელი დირექტორი, ედ ვუდვორდი აშშ-ს ტურნედან მანჩესტერში დაბრუნდა, რათა როგორც ამბობენ სატრანსფერო საკითხებს ჩაუდგეს სათავეში.
შაბათ-კვირა ვუდვორდმა ლუი ვან გაალის გუნდთან ერთად ამერიკაში გაატარა და MUTV - სთვის ინტერვიუს მიცემაც მოახერხა, რომელშიც განაცხადა, რომ სატრანსფერო საქმიანობა ჯერ კიდევ წინ არის.
"მანჩესტერ იუნაიტედს" აქტიურად უკავშირებენ მატს ჰუმელსს "ბორუსიადან", სტეფან დე ვრეის "ფეინოორდიდან", ტომას ვერმაელენს "არსენალიდან", დეილი ბლინდს "აიაქსიდან" და ასევე ცხადდება ისიც, რომ "იუნაიტედი" მზადაა დიდი თანხა გაიღოს "იუვენტუსიდან" არტურო ვიდალის გადმობირებისთვის.