"მანჩესტერ იუნაიტედის" ოფიციალურმა საიტმა დაადასტურა, რომ კლუბში რვა წლიანი თამაშის შემდეგ, პატრის ევრა "იუვენტუსს" შეუერთდება.
ოფიციალურ ინტერვიუში მან "იუნაიტედის" ფანებს მიმართა: "დიდი ხნის ფიქრის შემდეგ, მივხვდი, რომ სწორედ ახლაა დრო ამ ნაბიჯის გადასადგმელად. ეს ჩემს საფეხბურთო კარიერაში ყველაზე დიდი გადაწყვეტილებაა. "იუნაიტედში" გადმოსვლა ჩემთვის პრივილეგია იყო, ოცნება, რომელიც ახდა. ჩემი აქ გატარებული დრო ძალზედ დასამახსოვრებელია, ის საუკეთესო მოგონებებითაა სავსე. ხშირად გვქონდა რთული მომენტები და ასეთ დროს მუდამ ერთად ვიყავით. ყოველთვის ვამბობდი, რომ ფეხბურთელი არ უერთდება უბრალოდ"მანჩესტერ იუნაიტედშს", ის დიდ ოჯახს უერთდება. ეს კლუბი ყოველთვის დარჩება ჩემს გულში."
ევრამ "წითლების" მაისურით 379 მატჩი ჩაატარა და 9 წარმატებული სეზონიდან 10 გოლის გატანა მოახერხა. ფრანგი "იუნაიტედს" 2006 წლის იანვარში "მონაკოდან" შეუერთდა, 24 წლის ასაკში კი, 2004 წლის ჩემპიონთა ლიგის ფინალში, კაპიტნის სამკლაური მოირგო. მისი დებიუტი გუნდში არც ისე წარმატებული გამოდგა და ბრიტანულ კლიმატთან შეგუება ადვილი არ აღმოჩნდა. დებიუტი მას "სიტისთან" ჰქონდა, როცა "წითლები" ანგარიშით 3-1 დამარცხდნენ. ის შესვენებაზე შეცვალეს, თუმცა 6 თვიანი ბრძოლის შემდეგ მან გაბრიელ ჰაინცე ჩაანაცვლა და ძირითადში ადგილი დაიმკვიდრა. 2006/07 სეზონის პრემიერ ლიგის ტრიუმფის შემდეგ, ის კლუბში სეზონის 5 საუკეთესო ფეხბურთელს შორის ყოველთვის ხვდებოდა.
ევრამ პრემიერ ლიგა მოიგო ხუთჯერ, სამი ლიგის თასი, ჩემპიონთა ლიგა და მსოფლიო საკლუბო ჩემპიონატი. ის პრემიერ ლიგის სეზონის საუკეთესო გუნდში სამჯერ მოხვდა. 2009 წელს კი უეფას წლისი სიმბოლურ ნაკრებსა და ფიფას "მსოფლიო 11-ეულშიც" მოხვდა. სწორედ პატრისი კაპიტნობდა გუნდს ნემანია ვიდიჩის არყოფნის დროს.

წყარო: manutd.com