"მანჩესტერ იუნაიტედის" ინგლისელი ვინგერი, ეშლი იანგი თვლის, რომ მის კლუბს "ლა გალაქსისთან" ადვილი გასეირნება არ ექნება.
"მახსოვს ჩემი პირველი ტურნე ამერიკაში და ისიც, თუ რამდენად რთული იყო თითოეული შეხვედრა. ახლა სამუშაოსთვის უნდა განვეწყოთ, შევეგუოთ ადგილობრივ კლიმატს და მომდევნო შეხვედრას კარგ ფორმაში შევხვდეთ. რთული გამოცდა გველოდება, მაგრამ ეს გამოგვადგება."
"ფეხბურთი აშშ-ში სულ უფრო და უფრო პოპულარული ხდება. ინგლისის პრემიერ-ლიგის ბევრი ფეხბურთელი მოდის აქ და ადგილობრივ ჩემპიონატში იჩენს თავს. ბოლოს, როცა აქ ჩამოვედით, სტადიონები სავსე იყო ჩვენი ქომაგებით. იმედი მაქვს, ასე იქნება წელსაც."
"ეს ტურნე საშუალებას გვაძლევს საკუთარი ძალები სახელოვანი მეტოქეების წინააღმდეგ გამოვცადოთ. მაგრამ საუბარი პირველ რიგში ჩვენს გამარჯვებაზე იწყება და არა ოპტიმალურ ფორმაზე, რომელიც სეზონის დაწყებამდე უნდა ავკრიფოთ."