"მანჩესტერ იუნაიტედის" ვინგერი, უილფრიდ ზაჰა დარწმუნებულია, რომ ანდერ ერერა და ლუკ შოუ მალე შეეგუებიან ახალ კლუბს.
"გასულ წელს წინასასეზონო ტურნესგან სიამოვნებას ვიღებდი და ვგრძნობდი, რომ თავი საკმარისად კარგად წარმოვაჩინე. როცა გუნდში მოვედი, ჩემმა თითოეულმა თანაგუნდელმა ყველაფერი იღონა, რომ თავი კარგად მეგრძნო. ეს ყველაფერი ძალიან მნიშვნელოვანია. თავს კომფორტულად და თავდაჯერებულად უნდა გრძნობდეთ და რაც შეიძლება მალე უნდა გაეცნოთ თანაგუნდელებს. ანდერი და ლუკიც ასევე მივიღეთ და ეჭვი არ მეპარება, რომ ისინიც მალე შეეთვისებიან გუნდს."
"სიმართლე გითხრათ წინა სეზონის ტურნე რაღაც სიგიჟედ მახსენდება. ყველგან გულშემატკივართა ბრბო მოგვდევდა. აქამდე არასდროს მინახავს მსგავსი რამ. ვერასდროს გაიგებ ამ კლუბის მასშტაბებს, თუ ყველაფერს საკუთარი თვალით არ ნახავ. იგივეს თქმა შეიძლება "ოლდ ტრაფორდზე" თამაშზეც. გულშემატკივრები, სტადიონის ხმაური...ამას ვერაფერი შეედრება"