"მანჩესტერ იუნაიტედის" ბრაზილიელმა მცველმა, რაფაელმა გულშემატკივრებს ოფიციალური საიტის საშუალებით უპასუხა.

რა გრძნობით მიდიხართ აშშ-ს წინასასეზონო ტურნეზე?

მოუთმენლად ველოდები. წინასასეზონო მზადება ძალიან მნიშვნელოვანია თითოეული ფეხბურთელისთვის. გარდა ამისა, საშუალება გაქვთ იმოგზაუროთ სხვადასხვა ქვეყნებში და გაეცნოთ მათ. იმედი მაქვს, აშშ-ში გამგზავრება წარმატებული გამოდგება.

რა შეიძლება მიიღოთ ისეთ გუნდებთან თამაშებით, როგორიცაა "ინტერი", "რომა" და "რეალი"?

ეს ვიდასთან შეხვედრის საშუალებაა (იცინის). მასთან ერთად ხანგრძლივი პერიოდის განმავლობაში ვთამაშობდი. ის შესანიშნავი ადამიანი და თავისი საქმის ნამდვილი პროფესიონალია. ასეთ კლუბებთან თამაში - დიდებული გამოცდილებაა.

"რომას" წინააღმდეგ შეხვედრა დენვერში ზღვის დონიდან მაღალ სიმაღლეზე ჩატარდება. მანამდე თუ შეხვედრიხართ ასეთ კლიმატურ პირობებს?


დიახ, შევხვედრივარ. ეს დიდი გამოცდილებაა. როცა ხალხი ტელევიზორით უყურებს ფეხბურთს, შესაძლოა ფიქრობენ: "კარგი რა, ამაში არაფერია რთული." მაგრამ, დამიჯერეთ, ძალიან რთულია. ასეთ პირობებში რეგულარულად თუ არ თამაშობთ, სუნთქვასთან დაკავშირებით გარკვეული პრობლემები გექმნებათ. მეორეს მხრივ, კი შეგიძლიათ ანტონიო ვალენსიას შეხედოთ, რომელიც სავსეა ასეთი პირობებით და ნახოთ, თუ რაოდენ ამტანია იგი. ასე, რომ ეს გამოცდილება წაგვადგება.

როგორ დახვედრას ელოდებით აშშ-ში?

თბილს. ამერიკაში ფეხბურთი სულ უფრო და უფრო პოპულარული ხდება. ვიმედოვნებ, რომ თავისი სითბოთი შეგვხვდებიან.

redevils.ru