"მანჩესტერ იუნაიტედის" ყოფილი კაპიტანი, ბრაიან რობსონი არ ეთანხმება გულშემატკივართა უმრავლესობას, რომლებიც აცხადებენ, რომ კლუბს სასწრაფოდ სჭირდება ცენტრალური ნახევარმცველი. მისი აზრით გაძლიერებას დაცვის ცენტრალური ხაზი საჭიროებს.

"როცა ჩვენი გუნდის შუა ზონის ფეხბურთელებს ვუყურებ, მეჩვენება, რომ ბალანსი კარგადაა დაცული. ანტონიო ვალენსია კარგი მარჯვენა ნახევარმცველია. ბევრი რამ შეუძლია ეშლი იანგსაც, ნანის კატასტროფა შეემთხვა, რაც ტრავმების ბრალია, ადნან იანუზაი სულ უფრო უმჯობესდება. ასე, რომ კარგი მდგომარეობაა."

"არ ვამბობ, რომ უნდა ავდგეთ და კიდევ ერთი ნახევარმცველი ვიყიდოთ. გვყავს კი დაცვის ხაზში საკმარისად კარგი ფეხბურთელები? როცა ჩვენ თავს ვუყურებ და ნემანია ვიდიჩისა და რიო ფერდინანდის დაკარგვას ვხედავ, ვფიქრდები - შევძლებთ კი კარგი მცველის ყიდვას? ვფიქრობ ეს უფრო მნიშვნელოვანია, ვიდრე ცენტრალური ნახევარდაცვის გაძლიერება."

"ისტორიას რომ გადავხედოთ, ჩვენ ყოველთვის გვყავდა მცველები, ვინც კარგი იყო მეორე სართულზეც და ორგანიზებულობაშიც. ჩვენ გვყავდა იაპ სტამი, რიო, ნემანია ვიდიჩი, გარი პალისტერი და სტივ ბრიუსი. ვგრძნობ, რომ გუნდის გასაძლიერებლად ცენტრალური მცველები გვჭირდება. სიამოვნებით ვნახავდი რამდენიმე ახალ ფეხბურთელს."

manutd.com