"მანჩესტერ იუნაიტედის" აღმასრულებელმა დირექტორმა, ედ ვუდვორდმა განაცხადა, რომ "იუნაიტედი" კიდევ დაიხარჯება და რამდენიმე ფეხბურთელს კიდევ შეიძენს, მაგრამ ეს არ იქნება ერთადერთი რასაც "წითლები" სეზონის დასაწყისამდე გააკეთებენ.
"იუნაიტედის" ქომაგები მომსვლელების გარდა, წამსვლელთა ვინაობის გარკვევასაც ესწრაფვიან. ედ ვუდვორდი აცხადებს, რომ გადაწყვეტილებას მწვრთნელი იღებს, მაგრამ გაშვებები მაინც მოხდება.
"შეიძლება თუ არა ფეხბურთელები წავიდნენ? ვფიქრობ, კი. გადაწყვეტილება მწვრთნელის მისაღებია. რამდენიმე ფეხბურთელი უკვე წავიდა, შეიძლება კიდევ წავიდნენ."
"ეს ასევე იმითაა გამოწვეული, რომ ევროპაში არ ვითამაშებთ და ამიტომ ცოტა მატჩს ვითამაშებთ. შესაძლოა ლუი იმ აზრამდე მივიდეს, რომ მას უფრო კომპაქტური გუნდი დასჭირდეს."
"თუ წინა სეზონს გადახედავთ, ნახავთ, რომ "ლივერპულმა" გაცილებით წარმატებული სეზონი ჩაატარა შემადგენლობის სიმცირის მიუხედავად. მაგრამ გადაწყვეტილებას მაინც მწვრთნელი იღებს."