ლონდონის "ჩელსის" მთავარმა მწვრთნელმა, ჟოზე მოურინიომ განაცხადა, რომ მას არ აშინებს ლუი ვან გაალთან ახალი გამოწვევა.
მოურინიოს არ მოსწონს თავისი მოსწავლეების წინააღმდეგ თამაში, მაგრამ ახალ სეზონში მას მასწავლებელთან მოუხდება დაპირისპირება - თავის დროზე ორივე "ბარსელონაში" ერთად მუშაობდნენ.
თუმცა, მოურიონიოს მცირედითაც კი არ აშინებს მასწავლებელი და პირიქით, მოუთმენლად ელოდება მასთან შეხვედრას.
"არ მაღელვებს, რომ აქ არის. მოუთმენლად ველოდები "იუნაიტედთან" თამაშს. არაფერი მადარდებს."
"მის პრეს-კონფერენციას ვუყურე და ეს სუფთა ვან გაალი იყო - სამართლიანი და ღია, ისეთი, როგორც ყოველთვის. ის ძალიან, ძალიან კარგი მწვრთნელია. იგი დიდებული იქნება "მანჩესტერ იუნაიტედისთვის".
"ორივე ჩვენგანი დიდებული მწვრთნელები ვართ. ეს არის ის, რისთვისაც დავიბადეთ." - განუცხადა მოურინიომ Daily Star - ს.