"მანჩესტერ იუნაიტედის" აღმასრულებელმა დირექტორმა, ედ ვუდვორდმა განაცხადა, რომ "წითელი ეშმაკები" გარდა უკვე გადახდილი 60 მლნ. ფუნტისა, კიდევ დიდ თანხას დახარჯავენ.

ვუდვორდის თქმით, ახალი მთავარი მწვრთნელი ნელ-ნელა შედის საქმის კურსში, მაგრამ ახალწვეულთა მოყვანაზე მუშაობა გრძელდება.

"ლუისთან ერთად რამდენიმე სამიზნეზე ვმუშაობთ და ვაგრძელებთ ამ სამიზნეებისკენ სვლას".

"ჩვენ ჯერ კიდევ შეგვწევს მსოფლიო ფეხბურთის საუკეთესო მოთამაშეთა მიზიდვის უნარი - ამაში დაეჭვების არავითარი საფუძველი არ არსებობს. იმედი მაქვს გულშემატკივრები ნახავენ იმ წინსვლას, რომელსაც მწვრთნელთან, მის შტაბსა და მოთამაშეებთან ერთად ვახორციელებთ, ნახავენ სიმაღლეზე დაბრუნების წადილს."

"მზად ვართ ინვესტირებისთვის. არ არსებობს არავითარი ფიქსირებული ბიუჯეტი. ფინანსური თვალსაზრისით საკმაოდ მყარად ვართ და რესურსებიც გაგვაჩნია. ლუი სიტუაციას აკვირდება და კულისებს მიღმა დიდი სამუშაო ტარდება, ამიტომ თვალი გვადევნეთ." - განუცხადა ვუდვორდმა საკლუბო ტელევიზიას.


fapl.ru