"ფეიენოორდის" მცველმა, სტეფან დე ვრეიმ "ლაციოში" გადასვლაზე უარი გაანცხადა, რათა როგორც ამბობენ თავის სანაკრებო მწვრთნელს, ლუი ვან გაალს "მანჩესტერ იუნაიტედში" გაჰყვეს.
22 წლის დე ვრეიმ ჰოლანდიის ნაკრების რიგებში შესანიშნავად წარმოაჩინა საკუთარი თავი მსოფლიო ჩემპიონატზე, სადაც ჰოლანდიამ ბრინჯაოს მედალი მოიპოვა.
ბოლო რამდენიმე ხნის განამვლობაში დე ვრეის აქტიურად უკავშირებდნენ "ლაციოს", მაგრამ თავად ფეხბურთელმა და "ფეიენოორდმა" სერია ა-ს კლუბი უარით გაისტუმრეს. "მიხარია, რომ "ლაციოს" შემოთავაზებას არ დავთანხმდით. ის ზედმეტად მცირე იყო... მისი წასვლა ლოგიკურია, მაგრამ ეს უნდა მოხდეს იმ კლუბში, რომელიც საჭირო თანხას გადაიხდის." - განუცხადა "ფეიენოორდის" სპორტულმა დირექტორმა, მარტინ ვან გილმა RTV Rijnmond - ს.
სხვათაშორის გამოცემა Daily Mirror იტყობინება, რომ დე ვრეის უარის მიზეზი "მანჩესტერ იუნაიტედში" გადასვლის სურვილიდან გამომდინარე იყო. "იუნაიტედი" უახლოეს დღეებში სტეფანის ტრანსფერი შესახებ გამოაცხადებს, რომელიც 10 მლნ. ფუნტი ეღირება.