"მანჩესტერ იუნაიტედის" აღმასრულებელი დირექტორი, ედ ვუდვორდი თვლის, რომ ლუი ვან გაალის "იუნაიტედი" მომდევნო წელს შემტევ, ლაღ ფეხბურთს ითამაშებს.

"მანჩესტერ იუნაიტედის" ბოლო ატწლეულის წარმატებები ძირითადად შემტევ ფეხბურთს მოჰქონდა, მაგრამ გასულ წელს დევიდ მოისმა ფილოსფიის გამოცვლა და უფრო ფრთხილ და პრაგმატულ სტილზე გადასვლა გადაწყვიტა.

ედ ვუდვორდი დარწმუნებულია, რომ 62 წლის ვან გაალთან ერთად "იუნაიტედი" ჩვეულ დონეს დაუბრუნდება.

"მას დაუჯერებელი ენერგია აქვს და რაც უფრო მნიშვნელოვანია, ის გატაცებულია შემტევი ფეხბურთით."

"გაიხსენეთ 90-ანი წლების "ბარსელონა" რომელიც შემტევ და ლაღ ფეხბურთს აჩვენებდა, გაიხსენეთ ჩვენი მატჩები მათ წინააღმდეგ 1998/99 წლებში. სწორედ ასეთი სტილის ფეხბურთი უყვართ "იუნაიტედის" გულშემატკივრებს."

"ეს ჩვენი დნმ-ს ნაწილია. მეორე, რაც მას მოსწონს - ახალგაზრდებისთვის შანსის მიცემაა. მან ახალგაზრდებისთვის პირველ გუნდში შესვლის საშუალების მიცემითა და მათგან ვარსკვლავების შექმნით დიდი წარმატებები მოიპოვა."

"მე პირადად ის ძალიან თბილ პიროვნებად მიმაჩნია. ძალიან კომუნიკაბელური და პირდაპირია. მომწონს ადამიანების ეს თვისება. პირადად მეც პირდაპირი ადამიანი ვარ. ის დაგეგმარების ოსტატია და ეს არის ის, რაც როგორც კლუბს კარგად გამოგვდის. ყველაფერს დეტალებში ვგეგმავთ და ეს ზედგამოჭრილი შერწყმა იქნება."

"ნათელია, რომ "მანჩესტერ იუნაიტედის" ფილოსოფიაც სწორედ ამაში მდგომარეობს და გვინდა, რომ იმავე ტემპში გააგრძელოს. ჩვენ გვყავს მწვრთნელი, რომელსაც რთული გადაწყვეტილებების მიღება არ აშინებს. მოკლედ რომ გითხრათ, ერთ-ერთი მიზეზი, რაც დიდებულ მწვრთნელად გაქცევთ, რთული გადაწყვეტილებების მიღებაა და ჩვენ მწვრთნელს არ ეშინია ამის."

მისი მისამართით ბევრი კარგი რამ მესმის ხალხისგან და მასზე და სამწვრთნელო შტაბზე დიდი იმედებს ამყარებენ. თითოეული შეხება, რომელიც მას ხალხთან აქვს დიდ შთაბეჭდილებას ტოვებს, რაც დიდებულია.- განუცხადა ვუდვორდმა MUTV -ს.

manutd.com