ადნან ანუზაიმ ტურნეს მნიშვნელობას გაუსვა ხაზი და აღნიშნა, რომ იგი მნიშვნელოვანია კლუბის თითოეული ფეხბურთელისთვის, მაგრამ განსაკუთრებით ახალგაზრდებისთვის.
"სეზონის დაწყებამდე ძალიან მნიშვნელოვანია მწვრთნელზე შთაბეჭდილების მოხდენა და საუკეთესო მხრიდან თავის წარმოჩენა. რა თქმა უნდა, როცა ისეთი გუნდებია თქვენს წინააღმდეგ, როგორიც "რეალი", "რომა" და "ინტერია" ამის გაკეთება უფრო ძლიერ გსურს. ახალგაზრდა ფეხბურთელებს, რომელთათვისაც ეს ტურნე პირველი იქნება კარიერის განმავლობაში, ჩემს მსგავსად შეეძლებად მწვრთნელზე შთაბეჭდილება მოახდინონ და პირველ გუნდში დამკვიდრდნენ."
"ტურნეს მასშტაბით ჩვენ "რეალს", "რომასა" და "ინტერს" ვხვდებით და ეს ნამდვილად დიდი გამოცდა იქნება. სამწუხაროდ მომდევნო სეზონში ჩემპიონთა ლიგაზე ვერ ვიასპარეზებთ, ამიტომაც ასეთ სახელოვან მოწინააღმდეგეებთან შეხვედრა ჩვენთვის კარგი ბაზისი იქნება. იმედი მაქვს, ტურნეს თითოეულ შეხვედრაში გავიმარჯვებთ."
"როცა ახალგაზრდა ხარ, გუნდის დიდი ხნის წევრებთან საუბარი ძალიან ფასეულია. შენ მათთან ერთად ხარ არა მარტო მოედანზე, არამედ მის გარეთაც. გასულ წელს, როცა რეზერვიდან პირველ გუნდში გადავედი კლუბის შესახებ ბევრი რამ გავიგე, რამაც მომავალში დიდი დახმარება გამიწია."