"მანჩესტერ იუნაიტედის" ბრაზილიელი მარჯვენა მცველი, რაფაელი გამოტყდა, რომ იგი მოუთმენლად ელოდება ლუი ვან გაალთან ერთად სრულფასოვანი მუშაობის დაწყებას.
"ძალიან მიხარია, რომ შვებულებიდან ყველანი დავბრუნდით და სამუშაოს შევუდექით. ბოლო ორი კვირის განმავლობაში ვვარჯიშობდი, ამიტომაც დატვირთვებს ადვილად ვეგუები. თითოეულმა ჩვენგანმა დაუყოვნებლივ უნდა აღვიდგინოთ ფორმა და სახელოვან მეტოქეებთან ტურნეზე გასამართი შეხვედრები სწორედ ამას მოემსახურება. გვინდა სწორ გზას დავუბრუნდეთ და გასული სეზონი ისევე დავივწყოთ, როგორც ცუდ სიზმარს ივიწყებენ."
"მიხარია, რომ კლუბს ვან გაალი ჩაუდგა სათავეში. მსოფლიო ჩემპიონატზე ჰოლანდიის ნაკრებში მის მიერ ჩატარებულმა სამუშაომ აჩვენა, რომ მას ძალიან უყვარს ჭკვიანი ფეხბურთელები. მისი ქვეშევრდომები სათამაშო სქემას მატჩის მსვლელობისას უპრობლემოდ ცვლიდნენ. ლუი სამწვრთნელო შტაბის ზოგიერთი წევრი ლუიზე ადრე მოვიდა, ამიტომაც საშუალება მოგვეცა მათ და ახალი მთავარი მწვრთნელის მეთოდებს ახლოს გავცნობოდით."