Sky Sports - ის მტკიცებით, "მანჩესტერ იუნაიტედის" ახალგაზრდა ფეხბურთელი, ტომ ლოურენსი "ოლდ ტრაფორდზე" ხანგრძლივ კონტრაქტს მოაწერს ხელს.

20 წლის ახალგაზრდამ, რომელიც "იუნაიტედის" ერთ-ერთი ამომავალი ვარსკვლავია, "ოლდ ტრაფორდზე" სადებიუტო შეხვედრა რაიან გიგზის ხელმძღვანელობის ქვეშ ჩაატარა და რგორც ჩანს "კარლაისლსა" და "იოვილში" იჯარის წესით განათხოვრების შემდეგ კლუბის ხელმძღვანელთა ყურადღებაც მიიპყრო.

მისი მიმდიანრე კონტრაქტი ამ ზაფხულს იწურებოდა, მაგრამ "იუნაიტედი" არ აპირებს თავის ახალგაზრდას შეელიოს. Sky Sports ამტკიცებს, რომ ლოურენსით პრემიერ-ლიგის თორმეტ კლუბზე მეტი ინტერესდებოდა.

უელსური კლუბები, "სუონსი" და "კარდიფი" ლოურენსის მიმართ ინტერესს იანვარშიც იჩენდნენ, მაგრამ მათი წადილი არ დამცხრალა. მათ გარდა ტომით "საუთჰემპტონი", "ნიუკასლი", "სანდერლენდი", "ბერნლი", "ლესტერი", "სტოკი", "ბლექბერნი", და "ნორვიჩი" არიან დაინტერესებული ახალგაზრდა ეშმაკით.

მაგრამ ლორენსს თავისი მომავლის "ოლდ ტრაფორდთან" დაკავშირება სურს და სჯერა, რომ ლუი ვან გაალის ხელმძღვანელობის ქვეშ თავის გამოჩენას მოახერხებს.

skysports