"მანჩესტერ იუნაიტედის" ახალ მთავარ მწვრთნელს, სწავლებისა და მუშაობის თავისი მეთოდები აქვს და ის აქტიურად იყენებს მას დაცემულ გიგანტებთან მუშაობაში.

Starsport - ის თქმით, მოთამაშეები ძალზედ მოხიბლულნი არიან ვან გაალის რეჟიმით და მისდამი პოზიტიურად განეწყვნენ.

ეს ამბავი "იუნაიტედის" ბოსებსაც მოსწონთ, რომელთაც ვან გაალი შარშანდელი წარუმატებელი სეზონის შემდეგ გუნდის რეორგანიზებისთვის მოიწვიეს.

"იუნაიტედის" ყოფილი მწვრთნელი, დევიდ მოიესი ძირითად ყურადღებას მოთმინებასა და ფიტნესს უთმობდა. ვან გაალის შემთხვევაში კი ყურადღება ბურთთან მუშაობას ექცევა.

"იუნატედის" ვარსკვლავები შვებულებიდან დაბრუნდნენ და აცხადებენ, რომ მოუთმენლად ელოდებიან ლუი ვან გაალთან ერთად მუშაობის დაწყებას.

უეინ რუნისა და ინგლისის ნაკრებთან ერთად მსოფლიო ჩემპიონატზე მყოფ დანარჩენ კონტინგენტს პირველი სესია ლუი ვან გაალთან ერთად გუშინ, ამერიკაში ტურნეზე გამგზავრება ჰქონდათ.

ახალ შეძენილი ანდერ ერერა აცხადებს, რომ ვან გაალთან ერთად საინტერესო სეზონს ელოდება: "პირველი რამდენიმე კვირა შესანიშნავი იყო. ვარჯიშებით დიდებული იყო, ისეთი, როგორიც "ატლეტიკ ბილბაოში", სადაც ბურთის კონტროლზე ვვარჯიშობდით."

"მწვრთნელებს სურთ, რომ ბურთი გვეჭიროს და პოზიცია შევინარჩუნოთ, რაც კარგია მოთამაშეებისთვის."

ვან გაალმა თავისთან ერთად მწვრთნელის თანაშემწედ ჰოლანდიური დუეტი, ალბერტ სტივენბერგი და მარსელ ბუტი მოიყვანა, ხოლო მეკარეთა მწვრთნელად ფრანს ჰუკი.

ჰოლანდიის ნაკრების ყოფილი მწვრთნელი, მიზნად ჩემპიონობის დაბრუნებას ისახავს.

"ის რაც მათ აქვთ, არის ცოდნა, თანამედროვე ცოდნა."

"ვფიქრობ ჩვენი ვალია ეს ცოდნა გავაზიაროთ და სწორედ ეს ითხოვა ედ ვუდვორდმა."

"რთულია, რადგან ყველა არ იმყოფება აქ. მოთამაშეები სხვადასხვა დროს მოდიან და თანაც ისინი სათამაშოდ სრულად არ არიან მზად."

"ასე, რომ ეს ორმაგად რთული სეზონი იქნება მსოფლიო ჩემპიონატის შემდეგ. მოთამაშეები ინდივიდუალური ვარჯიშებით უნდა დავტვირთოთ, რადგან მათი გადაღლა არ შეიძლება."

"იუნაიტედი" ლოს-ანჯელესში გუშინ ჩაფრინდა და პირველ შეხვედრა "ლა გალაქსის" წინააღმდეგ გამართავს.

ვან გაალის საშინაო დებიუტი 12 აგვისტოს, "ვალენსიას" წინააღმდეგ შედგება: "ეს არ არის მხოლოდ "ოცნების თეატრი", რადგან ეს იყო ლუი ვან გაალის ოცნება, რომ ისეთი დიდი გუნდის მწვრთნელი გამხდარიყო, როგორიც "მანჩესტერ იუნაიტედია".

dailystar