ლუი ვან გაალი საკუთარ მეთოდებზე საუბრობს.
სანამ "მანჩესტერ იუნაიტედს" ჩაიბარებდა, ლუი ვან გაალმა ჰოლანდიური ბიზნესის წარმომადგენლებთან ლექცია გამართა, რომელზეც საკუთარი მუშაობის პრინციპებზე ისაუბრა.
მსოფლმხედველობა
"მე საფეხბურთო მწვრთნელი ვარ და შესაბამისად უნდა მქონდეს საკუთარი მსოფლმხედველობა და წარმოდგენა თითოეული გაელვების სტრუქტურის შესახებ. შესაძლოა ეს ქედმაღლურად ჟღერს. მწყინს, რომ ჩემი სიტყვები მხოლოდ პრესის მიერ მოგონილი ჩემეული ხელმძღვანელობის მეთოდით გესმით. მაგრამ ეს არ მაწუხებს, მე ქედმაღალი არ ვარ. მაგრამ ყველა იმ პრინციპის მჯერა, რომელიც წარმატებას მიქადის."
"მჯერა იმის, რომ ადამიანს შანსები მომზადების, საკუთარ თავზე მუშაობის და ვარჯიშის შედეგად უჩნდება. ეს დედაჩემისგან ვისწავლე. გგონიათ თქვენს წინაშე მოუმზადებელი გამოვიდოდი? ყოველდღიური ვარჯიშები - ფეხბურთში ეს ნორმალურია. ეს ნორმალურია ბიზნესისთვისაც. ხალხს იზიდავთ, მათთვის ყველანაირ პირობებს ქმნით, რომ საუკეთესო პროდუქტი აწარმოოთ. მეც სწორედ ამით ვარ დაკავებული. საკუთარ ქვეშევრდომებს ყოველდღიურად ვავარჯიშებ, რათა საბოლოო ჯამში კარგი გუნდი მყავდეს."
თანამშრომელთა შტატი
"მე თანამშრომელთა მთელი შტატი მყავს, რომლებიც შესანიშნავად მუშაობენ. მე მჯერა მუშაობისთვის მომზადების, ვარჯიშის, ანალიზის, სიტუაციის შეფასების - ყოველივე ამისთვის არსებობენ ჩემი დამხმარეები. მე მყავს მწვრთნელის ორი დამხმარე, მეკარეთა ორი მწვრთნელი, ფიზიოლოგი, ვიდეოანალიტიკოსი და ა.შ. თითოეული მათგანი ძAლზედ მნიშვნელოვანია, რათა მე და ჩემი გუნდი წარმატებული ვიყოთ."
"როცა ეროვნული გუნდის მწვრთნელი გავხდი, ყველამ იმის შესახებ დაიწყო საუბარი, თუ ვის გამოვიძახებდი გუნდში. მაგრმა პირველ რიგში ირგვლივ პერსონალის შემოკრება დავიწყე. ისეთი ადამიანები უნდა შემოვიკრიბო, ვინც ჩემს მოთხოვნებს შეესაბამება. რატომ? ყველაფერი დამოკიდებულია იმაზე, თუ რას აკეთებ, თითქოს მანქანა, პროდუქტი ან ინსტრუმენტი იყოს. ირგვლივ ისეთი ხალხი უნდა იყოლიო, ვისი ნდობაც შეგეძლებათ."
ბოსად ყოფნა
"თითქმის ყოველთვის ვუგდებდი ყურს სეციალისტებს, რომლებიც ირგვლივ მყავს. თითქმის ყოველთვის. მაგრამ იმიტომ, რომ ბოსი მე ვარ, პასუხისმგებლობა მე უნდა ავიღო საკუთარ თავზე და გარკვეული გადაწყვეტილებები მივიღო. მე ყურადღებას ვაქცევ თითოეულ დეტალს, თითოეულ ადამიანს, რომელთაც ჩემი მუშაობის პროცესში ვხვდები. ჩემი ხმის ტონსაც კი. თუ კი გარკვეულ პაუზებს ვაკეთებ, ე.ი. ამას თავისი მიზეზები აქვს."
redevils.ru