"იუვენტუსის" ნახევარმცველმა, არტურო ვიდალმა პირობა დადო, რომ შვებულებიდან დაბრუნების შემდეგ ყველაფერს გადაწყვეტს.

ხმების თანახმად, 27 წლის ჩილელის მიმართ განსაკუთრებულ ინტერესს "მანჩესტერ იუნაიტედი იჩენს". მაიკლ კერიკის ტრავმისა და მისი გამოჯანმრთელებისთვის 3 თვიანი პერიოდის საჭიროების შემდეგ, ეს ხმები კიდევ უფრო გაძლიერდა.

ცოტა ხნის წინ, "იუვენტუსმა" თავად განაცხადა, რომ არტურო არსად წავიდოდა, თუ თავად არ გამოხატავდა შესაბამის სურვილს. მოთამაშე კი თავის მხრივ გვპირდება, რომ მალე გაერკვევა საკუთარ მომავალში.

"რთულია სხვა გუნდების შესახებ საუბარი, როცა უკვე ტოპ-კლუბში თამაშობ. მე სამჯერ მოვიგე სერია ა და საკუთარ თანაგუნდელებს პატივს ვცემ. მე "რეალისა" და "იუნაიტედის" ინტერესის შესახებ გავიგე, მაგრამ არსებობს ის, ვინც ამ საქმით კავდება."

"დავასრულე თუ არა ციკლი "იუვენტუსში"? არ ვფიქრობ, რომ ეს ასეა. შესაძლოა "იუვენტუსში" მთელი ჩემი ცხოვრება გავატარო."

"როგორც კი იტალიაში ჩავალ, მწვრთნელს დაველაპარაკები და მაშინ ყველაფერს ვნახავთ. ახლა მხოლოდ იმაზე ვფიქრობ, რომ შვებულებით 7-8 დღე დამრჩა და მინდა ჩილედან წავიდე, რათა კარგად დავისვენო." - ციტირებს ვიდალის სიტყვებს La Cuarta.

fapl.ru