"მანჩესტერ იუნაიტედის" ლეგენდა, დევიდ სადლერი თვლის, რომ მომდევნო სეზონში "წითელი ეშმაკები" ჰოლანდიის ნაკრებს მოგვაგონებენ.
"მსოფლიო ჩემპიონატზე ჰოლანდიის ნაკრების ხილვის შემდეგ მოუთმენლად ველოდები "მანჩესტერ იუნაიტედში" ლუი ვან გაალის მუშაობას. ის რაც ბრაზილიაში ვნახეთ, შესაძლოა აჩრდილი იყოს იმისა, რაც "ოლდ ტრაფორდზე" მომდევნო სეზონში გველოდება."
"ჰოლანდიის ნაკრებს ყოველთვის ჩვენს კლუბთან ვაკავშირებდი, რადგან მათაც და ჩვენც შემტევი ფეხბურთი გვიზიდავს. ვიცი, რომ პირველობის დაწყებამდე ზოგიერთი უკმაყოფილო იყო ჰოლანდიის ნაკრების "ტოტალური ფეხბურთის" სტილის შეცვლის გამო, მაგრამ სადღა არიან ეს კრიტიკოსები? მისი ტაქტიკა საოცრად მარტივი იყო - რაც შეიძლება მალე მიეტანათ ბურთი რობენამდე, ან ვან პერსიმდე. ლუიმ თითოეული თავისი ქვეშევრდომისგან მაქსიმუმი მიიღო საოცრად მოკლე ვადაში. დარწმუნებული ვარ, რომ ამას "იუნაიტედშიც" შეძლებს."