Daily Mail იტყობინება, რომ ლუი ვან გაალი დიდ ყურადღებას აქცევს გუნდური სულისკვეთების ამაღლებას და პირველივე დღეებში სწორედ ამაზე დაიწყო ზრუნვა.
მსოლფიო ჩემპიონატის მსვლელობისას ლუი ვან გაალი გამოტყდა, რომ ერთობისა და გუნდური სულისკვეთების ასეთი გამოვლინება, რომელიც ჰოლანდიის ნაკრებში მეფობდა, მას აქამდე არც-ერთ წინა სამუშაო ადგილზე არ უნახავს. ჰოლანდიელის აზრით, სწორედ ამ ფაქტორებმა განაპირობა ჰოლანდიის ნაკრების ასეთი წარმატება.
მოსალოდნელია, რომ ამ მეთოდებს ლუი "ოლდ ტრაფორდზეც" მოიტანს. მწვრთნელმა უკვე განუცხადა ხელმძღვანელებს, რომ ვარჯიშების შემდეგ გუნდის თითოეული წევრი საერთო სადილზე დარჩება.
ვან გაალის კიდევ ერთ სიახლეს ორმაგი ვარჯიშები წარმოადგენს, რომელზეც უკვე გადაეწყო "იუნაიტედი". მოთამაშეებს ორი უფლება მიეცათ: დილის ვარჯიშების შემდეგ ან სამი საათით კლუბის ბაზაზე დარჩებიან დასასვენებლად, ან ამ დროში სახლში დაბრუნდებიან.