"ქუინზ პარკ-რეინჯერსის" ოფიცალური საიტი იტყობინება, რომ რიო ფერდინანდი ლონდონურ კლუბს შეუერთდა. ფერდინანდმა "ქპრ"-სთან 1 წლიან კონტრაქტს მოაწერა ხელი.
როგორც ცნობილია, "ოლდ ტრაფორდზე" 12 წლიანი წარმატებული კარიერის შემდეგ რიოს სამსახურით პრემიერ-ლიგის და არამარტო პრემიერ-ლიგის კლუბები ინტერესდებოდნენ. მათ შორის ბრძოლა კი ლონდონელებმა მოიგეს.
"ქპრ"-მ დღეს ოფიციალურად წარადგინა რიო ფერდინანდი და ამგვარად იგი თავის ყოფილ ბოსს, ჰარი რედნაპს შეუერთდა.
"მე ჰარისა და ბატონ ფერნანდესს ვესაუბრე (კლუბის მფლობელი). ვფიქრობ, ორივე მათგანმა ჩამხედა თვალებში და მიხვდა, რომ მე ჯერ კიდევ შემიძლია რაღაცის შეთავაზება. აქ მოსვლის და თამაშის დაუოკებელ სურვილს ვგრძნობდი."
"შემოთავაზებები სხვა ქვეყნებიდანაც მქონდა, მათ შორის ისეთებიდანაც, სადაც გაცილებით კარგი კლიმატია, ვიდრე აქ. მაგრამ მე პრემიერ-ლიგაში თამაში და იქ დაბრუნება მსურდა, საიდანაც დავიწყე."
"საქმე ფულს არ ეხება - მე გაცილებით მომგებიანი წინადადებები მქონდა. უბრალოდ მე ჯერ კიდევ ვგრძნობ, რომ ისევ შემიძლია რაღაცის შეთავაზება და მინდა ამ კლუბს პრემიერ-ლიგაში ადგილის შენარჩუნებაში დავეხმარო." - განუცხადა ფერდინანდმა კლუბის ოფიციალურ საიტს.