იაპონელ ფეხბურთელს არც თუ ისე კარგი გასული სეზონი ჰქონდა, ის მსგავსად დევიდ მოიესისა ხშირად იყო კრიტიკის "საგანი". სწორედ ამიტომ იყო საუბრები, რომ შინჯი კაგავა გუნდს დატოვებდა ბრაზილიური მუნდიალის შემდეგ.
ახალი მწვრთვნელის დანიშვნის შემდეგ 25 წლის ფეხბურთელი თავს უფრო ენერგიულად გრძნობს და მას სურს, რომ ახალი კამპანია დაიწყოს მაღალ ნოტაზე.

"მე თავს უკეთესად ვგრძნობ. ეს ახლის დასაწყისია და მეც თავს განახლებულად ვგრძნობ. ეს დამოკიდებულია ჩვენზე, ფეხბურთელებზე, რომ მივიღოთ კარგი შედეგები, რომელიც ასე გვჭირდება. მე მაქვს კარგი წინათგრძნობა, რომ ამას გავაკეთებთ." - განაცახადა კაგავამ.

"ასევე ვაკვირდები ჩემს თამაშს უფრო კარგად და და აუცილებლად მჭირდება გამოწვევა, რომ გავივსო მონდომებით" - დაასრულა იაპონელმა.

ვან გაალმა შეიძლება მთელი "იუნაიტედის" შემადგენლობა შეცვალოს და ამიტომ, შინჯი კაგავამ აუცილებლად უნდა დაუმტკიცოს ჰოლანდიელს, რომ მას ბევრი შეუძლია. შეგახსენებთ, რომ 25 წლის ფეხბურთელს კონტრაქტი 2016 წელს უმთავრდება.

წყარო: "სქაისპორტი"