გუშინ მოულოდნელად "იუვენტუსის" მთავარი მწვრთნელის პოსტი დატოვა ანტონიო კონტემ. მიზეზს, როგორც ამბობენ კლუბის ხელმძღვანელობასთან სატრანსფერო საკითხებზე შეუთანხმებლობაა, ეს ინფორმაცია კლუბის ოფიციალურმა საიტმაც დაადასტურა, რის შემდეგაც თავად კონტემ გააკეთა კომენტარი:"პირველ რიგში, მინდა დიდი მადლობა გადავუხადო ფეხბურთელებს, კლუბის ხელმძღვანელობასა და გულშემატკივრებს, იმ დაუვიწყარი სამი სეზონისთვის, რაც "იუვენტუსში" ჩავატარე".
ამ ყველაფრის ფონზე, "მანჩესტერ იუნაიტედის" მარცხენა დამცველის პატრის ევრასა და "ბებერი ქალბატონების" ტრანსფერი ნელ-ნელა ჩიხში შედის, რადგან ევრას ტრანსფერზე სწორედ კონტე იყო ინიციატორი. ფრანგი დამცველი ახალი მწვრთნელის დანიშვნას დაელოდება და თუ მისი სამსახურით დაინტერესებული არ იქნება, მაშინ კლუბში დარჩება...