გამოცემები The Mirror და AS ერთდროულად გვამცნობენ, რომ "იუნაიტედს" ჯერ კიდევ არ დაუკარგავს შანსი დი მარიას გადაბირებისა.
თუ ამ გამოცემებს დავუჯერებთ, დი მარიამ უარი განაცხადა პ.ს.ჟ-ში თამაშზე და განაცხადა, რომ მას უფრო ძლიერ ლიგაში სურს თამაში ვიდრე ეს ფრანგული ლიგაა.
მაგრამ ეს იმას არ ნიშნავს, რომ "იუნაიტედი" ადვილად გაიფორმებს არგენტინელს, რადგან მას ჩემპიონთა ლიგაზე სურს ასპარეზობა, ამიტომ "წითელი ეშმაკუნები" შეეცდებიან რამენაირად დაარწმუნონ 26 წლის ფეხბურთელი, რომ მომავალი წლიდან "წითლები" კვლავ იასპარეზებენ ევრო ტურნირებზე.
"იუნაიტედს" ის ფაქტიც შეიძლება გამოადგეს, რომ ანხელ დი მარია ბავშვობიდან მათი გულშემატკივარია. 2009 წელს როდესაც 26 წლის ფეხბურთელი ჯერ კიდევ "ბენფიკაში" ასპარეზობდა, გამოცემა News of the World-მა გამოაქვეყნა არგენტინელის ინტერვიუ:"როდესაც 13-14 წლის ვიყავი, მშობლებს ვეუბნებოდი, რომ "მანჩესტერ იუნაიტედში" თამაშზე ვოცნებობდი და ამიტომ მე არ დავნებდები სანამ ჩემს ოცნებას არ ავისრულებ. როდესაც თვალს ვადევნებ რუნის და დიდ ვარსკვლავებს, სულ უფრო და უფრო მიჩნდება "ოლდ ტრაფორდზე" წითელი მაიკით თამაში. პატარა, რომ ვიყავი ხშირად ვუყურებდი "არსენალის" თამაშებს, მაგრამ "მანჩესტერ იუნაიტედმა" სიტყვა სიტყვით რომ ვთქვათ დამაბრმავა!"