"მანჩესტერ იუნაიტედმა" მოულოდნელად უარი განაცხადა თავის გეგმებზე და "იუვენტუსის" ნახევარმცველის არტურო ვიდალის შეძენა გადაიფიქრა.
როგორც გამოცემა Daily Mail გვამცნობს, "იუვენტუსი" მზად იყო ფეხბურთელი 32 მილიონი ფუნტის სნაცვლოდ გაეშვათ, მაგრამ "წითელ ეშმაკებს" ეს თანხა გადამეტებულად მოეჩვენათ.
"იუნაიტედმა" უარი განაცხადა 27 წლის ჩილელ ნახევარმცველზე და ახლა სხვა ტრანსფერებზე გადართვა სურს.
ამ ინფორმაციას ასევე ადასტურებს Daily Mirror-იც, მაგრამ ერთი განსხვავებით, ამ წყაროზე თანხა უფრო მეტი 34 მილიონი ფუნტია ნახსენები.
არ არის გამორიცხული, რომ "წითლებმა" კიდევ განაახლონ არტუროსადმი ინტერესი სატრანსფერო ფანჯრის დახურვამდე. თუ ჭორებს დავუჯერებთ, ტურინელებს წელს ძალიან გაუჭირდათ ფინანსურად, ამიტომ აპირებენ, რომ კლუბის ერთ-ერთ ვარსკვლავს შეელიონ - ვიდალს ან პოლ პოგბას.