შეთანხმება შედგა.
ახლახანს გახდა ცნობილი, რომ "იუნაიტედის" მაისურებს 2015/16 წლის სეზონიდან და შემდგომ კომპანია "ადიდასი" გამოუშვებს.
როგორც ცნობილია, შეთანხმება ითვალისწინებს წელიწადში 70 მილიონი ფუნტით დაფინანსებას, რაც "ადიდასის" წინამორბედ "ნაიკთან" შედარებით გასამმაგებული თანხაა. მოგეხსენებათ, რომ "ნაიკი" 2002 წლიდან თამანშრომლობდა "წითელ ეშმაკუნებთან" და კლუბს წლიურ ანაზღაურებად 23.5 მილიონ ფუნტს უხდიდა.
ასევე ცნობილია, რომ კომპანია "ვორიორი" კონკურენციას უწევდა "ადიდას" მომავალ სპონსორობაში, მაგრამ როგორც ჩანს, უძლური აღმოჩნდა. გასულ კვირას გავრცელდა ინფორმაცია, რომ "ნაიკმა" იუარა კლუბისგან შემოთავაზებული თანხა და უარი თქვა თანამშრომლობის გაგრძელებაზე. უფრო ღმად თუ ჩავხედავთ ამ საკითხს დავინახავთ სიმართლეს: მსოფლიოში ყველაზე გაყიდვადი სწორედ "იუნაიტედის" მაისურებია და შესაბამისად, "ეშმაკუნების" ბოსებმა თანხის გაზრდა მოითხოვეს, რომლზეც უარი მიიღეს "ნაიკის" შტაბისგან.
ახლა კი, "იუნაიტედი" ყველაზე ძვირადღირებულ ფორმების კომპანიებს შორის პირველ ადგილს იკავებს. მას მოსდევს: რეალ მადრიდი - 31 მლნ (ადიდასი), ჩელსი - 30 მლნ (ადიდასი), არსენალი - 30 მლნ (პუმა), ბარსელონა - 27 მლნ (ნაიკი) და ლივერპული - 25 მლნ (ვორიორი).
წყარო: RepublikOfMancunia