არტურო ვიდალის "მანჩესტერ იუნაიტედში" გადასვლა იმაზეა დამოკიდებული, გაიფორმებენ თუ არა იტალიის ჩემპიონები ჩილელის შემცვლელს. The Telegraph-ის ინფორმაციით, "იუვენტუსი" მზად არის ვიდალი "მანჩესტერ იუნაიტედში" გაუშვას. დიდი ალბათობით "წითელი ეშმაკუნები" 30 მილიონ ფუნტზე მეტს გადაიხდიან ფეხბურთელში.
იტალიური კლუბი შეეცდება 27 წლის ჩილელის შემცვლელის პოვნას. "იუვენტუსი" მზად არის 20 მილიონი ფუნტი გადაიხადოს ბრაზილიელ პაულინიოში, რომელიც ხშირად ვერ ხვდებოდა "დეზების" სასტარტო შემადგენლობაში და მან ამ ბოლოს ისიც განაცხადა, რომ ინგლისში თავს ბედნიერად ვერ გრძნობს.
ტურინელები დარწმუნებულები არიან, რომ 25 წლის ნახევარმცველში 20 მილიონის გადახდა სრულიად საკმარისია, მაგრამ ასე არ თვლის "ტოტენჰემის" პრეზიდენტი დანიელ ლევი.
თუ წყაროს დავუჯერებთ, ლევი პაულინიოს გაშვებას 20 მილიონ ფუნტად არ აპირებს, ის თვლის, რომ ნახევარმცველი 25 მილიონზე ნაკლები არ ღირს. ასე, რომ "იუვენტუსს" დიდი ხანი მოუწევს მოლაპარაკებების გამართვა.
დავამატებ იმასაც, რომ "დეზებმა" პაულინიო "კორინტიანსიდან" შეიძინეს 17 მილიონ ფუნტად. ამ ფეხბურთელს ასევე უკავშირებენ "რეალსა" და"ჩელსის".
წყარო:
http://fapl.ru