ალექს ბიუტნერი თვლის, რომ "იუნაიტედში" ნაჩვენები თამაშით, ის იმსახურებდა ჰოლანდიის ნაკრებში გამოძახებას მოსფლიო ჩემპიონატზე.
"ვთვლი, რომ მე უსამართლოდ დამაიგნორეს მსოლფიო ჩემპიონატისთვის გუნდის შედგენის დროს. მე რამდენიმეჯერ ვითამაშე "იუნაიტედის" შემადგენლობაში, ვითამაშე ჩემპიონთა ლიგაზე და შეიძლება ითქვას კარგად გამოვიყურებოდი "ბაიერნთან" მატჩში." - ციტირებს ბიუტნერის სიტყვებს manchestereveningnews.co.uk
"ვარ თუ არა კიუიტზე ძლიერი, რომელიც ჩემს პოზიციაზე თამაშობდა? არ ვაპირებ სხვა ფეხბურთელების განსჯას. თუმცა როცა ვნახე მისი თამაში მარცხენა ფლანგზე არგენტინასთან მატჩში, დარწმუნებული ვიყავი, რომ მე როგორც მინიმუმ მასზე ცუდად არ ვითამაშებდი. ყველას არ შეუძლია დაიკვეხნოს იმით, რომ იგი "მანჩესტერ იუნაიტედში" თამაშობდა."
"დინამო" ჩემდამი ინტერესს ჯერ კიდევ მაშინ ავლენდა, სანამ "იუნაიტედში" გადავიდოდი. მე მქონდა შემოთავაზებები გერმანიიდან, საფრანგეთიდან, იტალიიდან და თურქეთიდან, თუმცა მოსკოვური კლუბის შემოთავაზება ყველაზე საინტერესოდ მეჩვენა. მალე ჰოლანდიის ნაკრებს სათავეში გუს ჰიდინკი ჩაუდგება, რომელმაც კარგად იცის რუსეთის ჩემპიონატი. ვიმედოვნებ, რომ "დინამოში" ჩემი თამაშით მასზე გავლენას მოვახდენ."