რაიან გიგზმა განაცხადა, რომ "მანჩესტერ იუნაიტედმა" არ უნდა ამოიღოს ხმარებიდან 11 ნომერი, რომელსაც ის წლების განმავლობაში ატარებდა. ასეთი პრეცედენტი საფეხბურთო სამყაროში არერთია, მაგალითად შეგვიძლია მოვიყვანოთ "მილანი", რომელმაც მალდინის წასვლის შემდეგ გააუქმა 3 ნომრიანი მაისური.
თუმცა გიგზი ამის წინააღმდეგია. როდესაც მას ჰკითხეს უნდა გაეუქმებინა თუ არა გუნდს 11 ნომრიანი მაისური მან განაცხადა: "არა. რა თქმა უნდა ეს განსაკუთრებული შემთხვევაა, თუმცა ეს მხოლოდ გუნდის პოზიციიდან გამომდინარეობს. მე არ ვფიქრობ, რომ ისეთი გუნდისთვის, როგორიც ჩვენ ვართ, ეს სწორი ნაბიჯია. ასე რომ ყოფილიყო ახლა უამრავი დიდიბული ფეხბურთელის ნომერი გვექნებოდა გაუქმებული."
"მე არ მიფიქრია იმაზე, თუ ვინ აიღებს 11 ნომრიან მაისურს. ეს კარგი კითხვაა. ალბათ ეს ფეხბურთელი დიდი წნეხის ქვეშ იქნება, არა?" - გაიხუმრა რაიანმა. "მე მოუთმენლად ველოდები იმის გაგებას, თუ ვინ იქნება ეს და ნებისმიერ შემთხვევაში მას წარმატებას ვუსურვებ. კარიერის დასაწყისში მე რამდენიმეჯერ მითამაშია 7 ნომრიანი მაისურით. მაშინ მაისურები უბრალოდ ინომრებოდა 1-დან 11-მდე. ჩვეულებრივ, 11 ნომერი მარცხენა ნახევარმცველს ერგებოდა, ამიტომ მე ხშირად მიწევდა ამ ნომრის ტარება. შემდეგ კი, როდესაც გუნდში სხვა ნომრებიც გაჩნდა მე დავიტოვე 11 ნომრიანი მაისური."