"მანჩესტერ იუნაიტედის" ძირითადმა სამიზნემ არტურო ვიდალმა განაცხადა, რომ მას სურს მსოფლიოს ერთ-ერთ საუკეთესო გუნდში თამაში და დაამატა, რომ მისი მომავალი მას შემდეგ გადაწყდება, რაც ის შვებულებიდან დაბრუნდება.
ლუის ვან გაალი დიდი ხანია თვალს ადევნებს ვიდალს, რომელიც ჩილეს ერთ-ერთი ლიდერი იყო მსოფლიო ჩემპიონატზე. ამიტომ, მას შემდეგ რაც ჰოლანდიელი ოფიციალურად ჩაუდგება გუნდს სათავეში ის შეეცდება ამ ტრანსფერის განხორციელებას.
La Tercera-სთან საუბარში ჩილელმა მის შესაძლო ტრანსფერზე განაცხადა: "მე ვიცი ამ ჭორების შესახებ, თუმცა ამასთან დაკავშირებით სხვას ვერაფერს ვიტყვი. ახლა ვსარგებლობ შვებულებით და ყველაფერს მაშინ გადავწყვეტ, როცა იტალიაში დავბრუნდები."
"მე ძალიან მშვიდად ვარ, თუმცა ნებისმიერი ისურვებდა მსოფლიოს ერთ-ერთ საუკეთესო გუნდში თამაშს."
ვიდალმა ასევე კომენტარი გააკეთა თავისი თანაგუნდელის, ალექსის სანჩესის ტრანსფერზე, რომელიც რამდენიმე დღის წინ ლონდონის "არსენალის" ფეხბურთელი გახდა.
"მე ბედნიერი ვარ ამ ტრანსფერით. მას სწორედ ახლა სჭირდებოდა ასეთი ნაბიჯის გადადგმა და ვფიქრობ "არსენალში" მას წარმატებული კარიერა ექნება."
აქვე შეგახსენებთ, რომ ორივე ჩილელ ფეხბურთელს ჰყავს საერთო აგენტი, ფერნანდო ფელიცევიჩი, რომელიც ახლა ინგლისში იმყოფება. ამ გარემოებების გათვალისწინებით ვიდალის "ოლდ ტრაფორდზე" გადასვლა სულ უფრო რეალური ხდება.