რაიან გიგზი გამოტყდა, რომ ის ამაყობს თავისი კარიერით ფეხბურთელის რანგში და მზადაა მისი ცხოვრების ახალი ეტაპის დასაწყებად მენეჯერის როლში.
"მე ვერასდროს ვუწოდებ ჩემს თავს ლეგენდას. თუმცა ძალიან მსიამოვნებს, როდესაც ვინმე ფიქრობს, რომ ეს სტატუსი მე შემეფერება. მე არ შემიძლია ვთქვა "კარგი, გაჩერდით" ან "დიახ, დიახ ეს აბსოლიტურად მართალია". უბრალოდ სასიამოვნოა როცა შენი მისამართით ასეთი სიტყვები ისმის." - გადმოგვცემს რაიან გიგზის სიტყვებს ManUtd.com
"პირველ რიგში, მსურს, რომ ხალხს დავამახსოვრდე ფეხბურთელად, რომელსაც უბრალოდ უყვარდა "მანჩესტერ იუნაიტედში" თამაში. მე ყოველთვის გულშემატკივრებისთვის ვთამაშობდი, ვცდილობდი გამეტანა გოლები და გუნდისთვის გამარჯვება მომეტანა."
"გულშემატკივრებთან არასდროს მქონია პრობლემები. ეს მხოლოდ "იუნაიტედის" მხარდამჭერებს არ ეხებათ, იგივე შემიძლია ვთქვა სხვა ინგლისური კლუბის ფანებზეც. იყო შემთხვევები როდესაც, მაგალითად ლონდონში ჩემთან ვინმე მოვიდოდა და მეტყოდა "საერთოდ მე "ვესტ ჰემის" გულშემატკივარი ვარ, მაგრამ ძალიან მომწონს თქვენი თამაში." ეს ყველაფერი ძალიან სასიამოვნოა, თუმცა უნდა ავღნიშნო, რომ "იუნაიტედის" გულშემატკივრები ყოველთვის ყველაზე გამორჩეულები იყვნენ."