"ლაციოს" სპორტულმა დირექტორმა იგლი ტარემ განაცხადა, რომ "ფეინოორდის" ცენტრალ მცველ სტეფან დე ვრეის, მიუხედავად "წითელი ეშმაკების" ინტერესისა, რომის "ლაციოში" თამაში სურს.
"უამრავი ინფორმაცია გავრცელდა იმის შესახებ, თითქოს სტეფანს იუნაიტედში გადასვლა სურს, მაგრამ ეს ყველაფერი სიმართლეს არ შეესაბამება. მისმა აგენტმა უკვე გარკვევით განაცხადა, რომ ინგლისური კლუბებისგან არანაირი შემოთავაზება არ ყოფილა და ფეხბურთელს ჩვენს კლუბში თამაში სურს."-განუცხადა ტარემ skysports.com-ს
ერთი დღით ადრე ამ ფაქტს დე ვრეის აგენტიც გამოეხმაურ და განაცხადა, რომ მის კლიენტს "იუნაიტედისგან" არავითარი შეთავაზება არ მიუღია.
"მანჩესტერ იუნაიტედთან" შეთანხმება არ გვაქვს და არავითარი კონტრაქტისთვის ხელი არ მოგვიწერია. არ ვიცი, რის შედეგად გაჩნდა ასეთი ჭორები. ამჟამად სტეფანი მხოლოდ მსოფლიო ჩემპიონატზე ფიქრობს და მისი აზრებიც მხოლოდ მას უკავშირდება."